शिरपूर तालुका भोई समाजाचा गुणवंत विद्यार्थी व समाजगौरव सोहळा उत्साहात

शिरपूर, 26ऑगस्ट 2026 : शिरपूर तालुका भोई समाजाच्या वतीने आयोजित गुणगौरव सोहळा 2026 उत्साहपूर्ण वातावरणात संपन्न झाला. शंकर नाना मंगल कार्यालय येथे झालेल्या या कार्यक्रमात समाजातील गुणवंत विद्यार्थी-विद्यार्थिनी, विविध क्षेत्रांत उल्लेखनीय कामगिरी करणारे समाजबांधव तसेच खानदेशातील नवनिर्वाचित नगरसेवकांचा सन्मान करण्यात आला.

शिक्षणाच्या माध्यमातून समाज सक्षम होतो : आमदार काशीराम पावरा शिरपूर, 26 ऑगस्ट 2026 : शिरपूर तालुका भोई समाजाच्या वतीने आयोजित गुणगौरव सोहळा 2026 उत्साहपूर्ण वातावरणात संपन्न झाला. शंकर नाना मंगल कार्यालय येथे झालेल्या या कार्यक्रमात समाजातील गुणवंत विद्यार्थी-विद्यार्थिनी, विविध क्षेत्रांत उल्लेखनीय कामगिरी करणारे समाजबांधव तसेच खानदेशातील नवनिर्वाचित नगरसेवकांचा सन्मान करण्यात आला. कार्यक्रमाच्या अध्यक्षस्थानी डॉ. पितांबर दिगोरे होते. प्रमुख पाहुणे म्हणून आमदार काशीराम पावरा, जिल्हा परिषदेचे माजी अध्यक्ष डॉ. तुषार रेंधे, भाजपचे जिल्हा प्रभारी बबनराव चौधरी, माजी जिल्हा परिषद अध्यक्ष देवेंद्र पाटील, शिरपूर एज्युकेशन सोसायटीचे उपाध्यक्ष राजगोपाल भंडारी, उपनगराध्यक्ष संगीता देवरे, नगरसेवक रोहित रेंधे, अरुण धोबी यांच्यासह समाजातील अनेक मान्यवर उपस्थित होते. गुणवंत विद्यार्थ्यांचा गौरव समाजातील गुणवंत विद्यार्थ्यांनी शिक्षण, विविध स्पर्धा आणि इतर क्षेत्रांत मिळवलेल्या उल्लेखनीय यशाबद्दल त्यांचा सन्मानचिन्ह देऊन गौरव करण्यात आला. विद्यार्थ्यांनी मिळवलेल्या यशाचे कौतुक करत उपस्थित मान्यवरांनी त्यांच्या पुढील वाटचालीस शुभेच्छा दिल्या. यावेळी उत्तर महाराष्ट्रातील भोई समाजाच्या आठ नवनिर्वाचित नगरसेवकांचाही विशेष सत्कार करण्यात आला. समाजातील विविध क्षेत्रांत उल्लेखनीय योगदान देणाऱ्या व्यक्तींचाही गौरव करण्यात आला. डॉ. पितांबर दिगोरे यांना ‘समाजरत्न’ पुरस्कार समाजासाठी वैद्यकीय सेवा तसेच सामाजिक क्षेत्रात केलेल्या उल्लेखनीय योगदानाची दखल घेत डॉ. पितांबर दिगोरे यांना ‘समाजरत्न’ पुरस्कार प्रदान करण्यात आला. तसेच निवृत्त तहसीलदार निळकंठ दिगोरे यांच्या पुस्तकाचे मान्यवरांच्या हस्ते प्रकाशन करण्यात आले. “शिक्षणातूनच समाज सक्षम होतो” कार्यक्रमात बोलताना आमदार काशीराम पावरा यांनी “शिक्षणातूनच समाज सक्षम होतो” असा संदेश दिला. बदलत्या काळानुसार विद्यार्थ्यांनी पारंपरिक शिक्षणासोबतच व्यावसायिक, तांत्रिक आणि कौशल्याधारित शिक्षणाच्या संधींचा लाभ घ्यावा, असे त्यांनी सांगितले. शिक्षणाच्या माध्यमातून समाजातील प्रत्येक घटकाला प्रगतीची संधी मिळते. विद्यार्थ्यांनी बदलत्या परिस्थितीनुसार स्वतःमध्ये आवश्यक बदल घडवून आणत नव्या संधींचा स्वीकार करावा, असे आवाहनही करण्यात आले. कार्यक्रमात समाजातील विविध क्षेत्रांतील मान्यवर, पदाधिकारी, अधिकारी, समाजसेवक, विद्यार्थी-विद्यार्थिनी आणि नागरिक मोठ्या संख्येने उपस्थित होते. कार्यक्रमाचे सूत्रसंचालन यशवंत निकम यांनी केले, तर डॉ. आर. एम. वाडिले यांनी प्रास्ताविक केले. भोई समाजाच्या शैक्षणिक आणि सामाजिक प्रगतीला प्रोत्साहन देणारा हा गुणवगौरव सोहळा समाजातील नव्या पिढीसाठी प्रेरणादायी ठरला. कार्यक्रमाचे सुंदर फोटो पाहण्यासाठी खालील Google Drive लिंकवर क्लिक करा: 👉 https://drive.google.com/drive/folders/1JGyoc9vxv3FaKiJcB1A5SlJleFhjtKRq